Tuesday 7 February 2012

PARI TLUNG TOI DAN (AWM TAN DAN)


Tian lai han ni ka chu unai in hnika chu loia hin fonghma an zong a,a naipang pu zok chun a hmu thei em em a,a ulian pu zok chun a hmu thei reng reng no a..a ulian pu chun a naibung hnianga chun "ngoi te ni fong hma rut/hmal ha khatka fangei ti tho" a ti a.
A naibung chun,"aw" a ti a,an fak zoi chun a naibung hniang dena chun a hni nok a,a naibung chun a phal ta no achang.Mang kata a phal tak no lei a chun,a ulian pu zok chu a ning a thik ta a chang.Ka chun a kola PARI TLUNG mong chu ama hong in zem lut dingin a koi ta achang.
Mang ka chun pari tlung chun a hong in zem tan ta a...a zai zai in a tlum ta tial tial a,toi ka hnung chun a tlum ta rit a chang.
A naibung zok chu TU panin a tloi ta diai diai a,ava tlung toi ka hnungin a nu nih apa an hong tlung vea,a unu om na anin don chun thil om dan a hril rit a.A nu nih pa heiin thil om dan an hoi chun an mang ang(lung zing) ta khek mai a.an nainu hnianga chun a rang thei ang ka chema a unu va koi khir dingin an tir a,ka chun a naibung chu ava tloi nok ta vang vang a,
"Ki unu o hong suak hong suak,ki nu in rithei a chok pek ding,chok pek ding,ki pa in dar a chok pek ding,chok pek ding..ki unu o hong suak hong suak"
ava ti a.Mang ka nin chun a unu chu a hong suak riai riai a,a phei chai an phum tak a.Ma lai tak chun ral(hmelma) an hong a,a naibung chun u in hmo ro ral an hong a tia,a unu chu a phei pui chai ti loi chu a suak kip ta rit a....a naibung in hmo luat chun a unu chu a hnuk thut a,a unu phei pui chu a chat ta dai a chang chu.....a zai zai te in a phei pui chu a tlum nok ta tial tial a,ma chu pari tlungin an let a....ma zel hi kum tin pari tlung hi a hong i mong thin, an loi ti.i

No comments:

Post a Comment