SANGHAR , ARPUI NIH ARITUI

‎(THEPHUNG DEN)

SANGHAR , ARPUI NIH ARITUI By Lalsiamliana Darlong
Tian lai han Sanghar hin lungvar a sua a, Arpui hi cham a a siam a,arem in chang huna fak chu a tum ran a.mang ka chun anin kawm(in rem) thin a,cham in rem vai ka an chang hnung chun,voi ka chu sanghar hin Arpui hnianga chun,“zani iamo ni riak ding” tiin an zawt/dawn a.
Arpui chun, “ribu thlang tiang riak ke ti” a ti a.Sanghar chu a rukin a lom em em a.Zan a hong tlung chun Sanghar chu Arpui fa tum chun a hong zong ta a..ar ribu a hang en dak dak a arpui reng a hmu ta no achang.A beidawngin a kir nok hnak hnak a.
A thai tuk a chun Arpui rek den anin rem/kawm nok a,Sanghar chun, “kata mo khel ani hril?Ar ribu a riak ke ti niti a,ar ribu renga ni riak nghal no a,iamo ni riak?” a ti a.Arpui chun aritui kok(bawm) a ke riak nok dai a chang ngar ha,” a ti a.
Sanghar chun, “ nawle,zani te ten tiang mo riak nok niti?” tiin an dawn nok a,Arpui chun, “Aritui kok dena riak nok ke ti” a ti pek a.Chang ro chu Ar ribu a a riak pek dai a.
Zan zing hnung chun Sanghar chu Arpui fa tum denin a hong suak nok a,aritui kok chu a hang en dek dek a,Arpui chu a loi om nok chuang no a,beidawng denin a kir nok a.
A thai tuk tiang chu anin hni denin anin rem nok a,Sanghar chun a riak na aloi in dawn nok a,Arpui chun ar ribu zawka a riak thu a hril a….
Sanghar chun, “zani te iamo ni riak tak tak ding ni hril ro,” a ti a.Arpui chun, “ ribu a riak keti” a ti pek a, a changa aritui kok a a riak pek nok a.
Zana chun Sanghar chu a pangai thapin a hong nok zel zel a,Ar ribu chu a hang en nok dek dek a,Arpui chu a hmu no a....ani la lem vu a chang hi te,diar no ni cho aw a tia.Mang ka chun Aritui kok chu a pan a,Arpui chu a hmu ta a,a pet a a rawt pui dai a.
Arpui chun ritui sawm ka lai a loi nei a,aritui hei chun phuba lak nget an tum a,an awm na chu suak khal an tum a,malai chun an changin sual a,a lian lian kua ka(9) chu an koi rit a.
An laia a chikpu chem chu a koi ve no a,aman an nu phuba lak chu ala tum ret tho a,a kal suak ta a.
Lampui a chun Thli hi a tawng a, “ I tianga kal ding mo ni chang”tiin aloi in dawn a, Aritui chun, “kalna ding bik hom ki nei no,” tiin a thung a.
Thli chun, “ni nu phuba lak ne tum ti ke hoi, ni rualin hong ve keti,nang tangpui keti” a ti a.Aritui hom chun rem a ti a,anin hni in an kal ta a.
Nakan a chun Zu tang(zu belong) hi lampuia an tawng a, “nang mani in hni chu ten tianga nin kal ding rai mo?” tiin aloi in don a.
Anni chun an thung a,Zu tang chun, “Aritui nu phuba la dinga kal nin chang ti ke hoi,nin hnianga an ni thui ve chun nangni tangpui thei keti” ati a.mangka chun anin thum chum an kal ta a.
Lampui a chun Fahrel,Thai vang,Vai di nih Chem hei chu an tawng a,kal ve dingin an loi hni tir a, an rengka chun an kal ta rit a.
Tawi ka hnung chun Sanghar in chu an va tlung a,an va en chun Sanghar chu aloi fe dai a.Thli chun , “keiman la va zawng ke ti” ati a,in rang vit kan an thli ta a.
Tawi ka hnung chun Sanghar hloi tuan chu ava hmu ta a,a pan hnai a thli chun a nuai/mok hrep a,thli in a nuai hrep lei chun sanghar chun dai ati ta,an thing ta hlok hlok a chang.
Thli an thang boi lai chun Zu tang chun in hnuai a in kam sai thlapin aloi om a,fahrel chu in khar lu chunga aloi in kham a,Aritui chu lungthu baia aloi in phum a,Thaivang nih Vai di chu tuanga an om a,Chem chu banga an zep a,an reng kan an loi in ning sai rit a.
Sanghar dai inthing luat hong kal chu a ina a hang lut a,mei hang sem a tum a,a lungthu bai a Aritui loiin phum sai chu a hong puak phut a,an lai zawk a, ati luat chun rawtboi a tum a,tuanga Vai di laia chun a ba a,Thaivang chun aloi ei/bel chiam a.
Bangin lai na tiang a hei tloi a le Chemin a loi tuk a,tuala a tloi suak le fahrelin aloi deng/thuk tlat a,in hnuai tiang a zuk rawt le Zu Tang chun aloi in awk (tir) a,a thi ari in belawng a chun a tang a.Aritui chun anu phuba chu ala thei a chang an loi ti ngare………….